ഇന്ന്,
പ്രോമിത്യൂസിന്റ്റെ കരള്തിന്ന്
ചീര്ത്ത കഴുകന്
സ്പാര്ട്ടക്കസിന്റ്റെ
പ്രതിമയില് കാഷ്ഠിക്കുന്നു.
ആഗോളവല്ക്കരണത്തിന്റ്റെ
പൊക്കിള്ച്ചുഴിപ്രദര്ശനത്തില്
അടിമകളുടെ കാമം തിളയ്ക്കുന്നു.
അവര് വീണ്ടും വീണ്ടും അടിമകളാക്കപ്പെടുന്നു.
ചെഗുവേരയുടെ ചിത്രം
നെഞ്ചില് പച്ച കുത്തിയവര്
കഞ്ചാവുതോട്ടങ്ങള്ക്ക്
കരം പിരിക്കുന്നു.
വസന്തത്തിലെ ഇടിമുഴക്കങ്ങള്ക്ക്
കാത്തിരിക്കാന് പറഞ്ഞ്
കൈവീശി കാടുകയറിയവര്
കാഷായവും കുരിശും ധരിച്ച്
ശാന്തിമാര്ഗ്ഗത്തില് സമാധിയിരിക്കുന്നു.
ചുവന്ന സൂര്യനെ സ്വപ്നം കണ്ട്,
കൈവിലങ്ങുകളിലേക്ക് നോക്കി
നെടുവീര്പ്പിടുന്നവരോട്
ഞാനെന്തു പറയാന് ???
Subscribe to:
Post Comments (Atom)
No comments:
Post a Comment